U3F1ZWV6ZTI4ODM0MTQxMDQxOTA0X0ZyZWUxODE5MTA2OTQ4MjE3OA==

تعرف على تحديث جوجل الكور لعام 2020

خبطة قوية تانى من جوجل وقعت بيها مواقع كتير جدا

سنة 2005 موظفين جوجل اجتمعو مع بعض وهما قاعدين طلع واحد منهم وقال الكلام على اية يا جماعة ؟
قالو تقصد اية ؟
قال جوجل ادورد الفقر دة !
قالو مالو عاوز منة اية ماهو زى الفل اهو !
قال زى الفل اية دحنا بقالنا سنة شغالين علية علشان نعمل نظام عالمى فى الأعلانات والناس تدخل بقى تعمل اعلانات عندنا علشان يظهرو فى النتائج الأولى بالأعلانات والناس تضغط وهما يدفعو واحنا نكسب والدنيا تحلو , بس من يوم ما عملنا ولا حد عبرنا ودفع دولار حتى نوحد بية ربنا , وكل المواقع الى بتجيلنا تعمل اعلانين تلاتة وبعد كدا تروح تشوف حد يعملهم موقع ويطلعو فى جوجل ويقولك الى يحتاجو بيتى يحرم على جوجل
قالو عندك حق فعلا يا جوون بس نعمل اية ؟
قال عندى حل , بقالى يومين سهران بفكر فى حل للموضوع دة !
قالو اية الحل يا نبيه !
قالهم نعمل تحديث ينزل نص المواقع من النتائج الأولى ويمحيها خالص
قالو تحديث تانى انت كافر يا عم انت دة الناس هتاكلنا اكل دول لسة مفاقوش من تحديث فلوريدا بتاع 2003 , دول هياكلونا أكل ومش هيرحمونا
ملحوظة(احنا اتكلمنا عن تحديث فلوريدا فى البوست الى فات )
قالهم عيييب ما تقلقوش انا مظبط كل حاجة وعندى سبب مقنع جدا للموضوع دة وهظبط الموضوع
قالو طيب اية خطتك بالظبط

تعرف على تحديث جوجل الكور لعام 2020 ادسنس

قالهم احنا هنعمل تحديث لجوجل ونقول ان الناس دول شغالين غلط ونعم لمحاربة الفساد ولا للفسدة والأسبامرز ونقوم مضيعين نص المواقع المتصدرة من محرك البحث وهنركز وهنطلق التحديث دة فى موسم مبيعات فالناس مش هيبقى ودامهم حل غير انهم يعملو اعلانات على جوجل ادوردز ويدفعو فلوس ونعيش كلنا ونزقطط
قالو فكرة حلوة بس اية بقى التحديث الى هينزل يعمل كدا او اية الفكرة بتاعتة
قالهم عيييب لسة مش واثقين فية دنا جايبلكم فكرة تحديث محدش هيقدر يدور ورانا ولا هيقدر يمسك علينا حاجة
قالو اية :
قالهم البااااااكلينكس , هنعمل تحديث عن الباكلينكس ونشوف المواقع الى بتعمل باكلينكس بدون محتوى او تعليقات او باكلينكس ملهاش لازمة او باكلينكس فى مجالات مختلفة وهنضيف برضة شوية حاجات فى المحتوى يعنى الى مش عامل ميتات مكرر محتوى منتجات ومفيش انتيرنال لينكس يعنى اسباب مختلفة
قالو يابن الجنية : يعنى كدا احنا ممكن نعمل بلوك لاى موقع ونقولة روح شوف موقعك يا باشا وتعالى اتكلم
قالهم ايوا الدنيا هتبقى مفتوحة والموقع الى عيجبنا نسيبة والى ميعجبناش نشوحة ونمرجحة
قالو طيب هنسمية اية
قالهم على اسم بنتى الصغيرة حبيبة بابا هنسمية Jagger
قالو تمام اتفقنا
ومن هنا تم اطلاق سلسلة تحديثات Jagger بداية من 2005 الى ضيعت نصف المواقع من الأنترنت وكان السبب الرئيسيى لية ان جوجل تظبط منصة جوجل ادوردز وتخلى الناس ميبقاش ودامها غير طريق واحد وهوا استخدمة لانة كان واقع جدا وقتها
دة تانى بوست فى سلسلة تحديثات جوجل وانتظرو البوست الجاى لتحديث جديد
تعليقات
ليست هناك تعليقات
إرسال تعليق

إرسال تعليق

الاسمبريد إلكترونيرسالة